Gipirmahan na ni United States Presidente Donald Trump ang executive order aron sugdan ang rebranding sa Pentagon isip “Department of War,”.
Miingon si Trump nga mas angay gamiton ang maong opisina basi sa kahimtang sa kalibutan karon.
Gibutyag sa presidente nga ang ngalan nga “Department of Defense” sobra ka “wokey” ug dili makapakita sa kusog ug determinasyon sa militar sa Estados Unidos.
Hisayran nga ang mando nagtugot sa paggamit sa “Department of War” isip secondary title ug gitugyan kang Defense Secretary Pete Hegseth ang responsibilidad sa pagrekomenda sa mga lakang aron mahimong permanente ang pag-ilis sa ngalan.
Gisuportahan ni Hegseth ang rebranding, ug siya miingon nga kini nga mas maayo ang “warrior ethos” ug sa pagduso sa “maximum lethality” inay “tepid legality.”
Bisan pa niiini, ang pormal nga pag-ilis sa ngalan nagkinahanglan sa pag-aprobar sa ilang Kongreso.
Milaum si Trump nga mauyunan siya sa kinabag-ang magbabalaod sa ilang nasud.
