CAGAYAN DE ORO CITY-Gialerto ni Dept of Education-10 regional director Dr Allan Farnazo ang tanan nilang mga school official kabahin sa nagpabiling bahad sa bagyong Urduja nga atua sa Eastern Visayas Region.
Kini tungod sa kadako sa rain cloud bond nga dala sa maong bagyo diin apektado usab sa mga pag-ulan ug kusog nga hangin ang rehiyon.
Gihimo ni Farnazo ang pasidaan human nagkanselar sa mga klase ang Balingasag, Lagonglong, Claveria,Sugbongcong,Magsaysay,Initao,Talisayan,Binuangan ug Medina ning lalawigan tungod sa mga pagbaha ug kusog hangin ning semanaha.
Hisayran usab nga tungod sa dautang kahimtang sa panahon,nangbakwit ang dul-ag libo ka residente sa lungsod sa Balingasag ug Lagonglong ning lalawigan tungod sa pagbaha ug kusog nga hangin.
