CAGAYAN DE ORO CITY-Ipaubos sa DepEd-10 sa ebalwasyon ang ilang nahimong performance sa Palarong Pambansa 2017 ilabina ang pipila ka sporting events nga mihinay ang ilang performance.
Kini human nahulog sa number 8 spot gikan sa no.5 ang Northern Mindanao Regional Athletics Association o NMRAA sa Palarong Pambansa didto sa Antique.
Si DepEd regional director Dr Allan Farnazo nga nagpasalamat gihapon sila sa napakita nga performance sa mga atleta sa rehiyon diin nagbaton sa 20 ka gold medals,daghang silvers ug bronze.
Gani,nahuptan ni Michael Porras Jr ang pagsilbing record holder sa dula nga taekwondo diin nagbaton kini sa upat ka gold medals nga wala sukad mahitabo sa kasaysayan sa Palarong Pambansa.
