CAGAYAN DE ORO CITY-Makigtagbo ang Department of Education o DepEd-10 sa ahensiya sa DILG ug Comelec sunod semana.
Kini sa tumong nga mahisgutan ang preparasyon sa umaabot SK ug Barangay Election sa Mayo 14 ning tuiga.
Matud ni DepEd regional director Allan Farnazo nga karong adlawa pa nila hisgutan sa gipahigayon nga Regional ManCom Meeting sa Bukidnon area.
Siya miingon nga nadugay ang ilang coordination meeting tungod kay dugay nagpaggawas kamanduan ang DILG kon mahinayon ba ang piliay o dili.
Samtang gikompirmar ni Farnazo nga dili niya mapugos ang mga magtutudlo nga magsilbing Board of Election Inspectors sa umaabot piliay.
Si Farnazo miingon nga hugot na nga gidili sa ilang ahensiya ang pagpugos mga magtutudlo nga mag-serve itandi sa miaging katuigan nga compulsory kini alang kanila.
Asoy pa niini nga depende lang sa mga magtutudlo kung mag-volunteer o dili.
Gipasalig usab niini nga adunay honorarium ang mga magtutudlo nga magsilbing BEI’s.
