CAGAYAN DE ORO CITY-Dili mahimong dako’g gasto ang ipahigayong seremonya sa graduation sa tanang pampubliko ug pribadong tunghaan sa elementarya ug sekondarya sa syudad.
Unod kini sa bag-uhay pa lamang nga gipalugwang Department of Education Memorandum no.8 series 2017.
Gibutyag ni DepEd officer-in-charge assistant director Atty Shirley Chato nga angayang simple ang tanang ipahigayon graduation rites sugod Abril 7- 8 ning tuiga
.Si Chato miingon nga tuyo niini dili madugangan ang galastuhan sa mga ginikanan atol sa maong seremonya.
Samtang silotan sa DepEd-10 kadtong mga magtutudlo nga magdumili nga makapaso ang mga tinun-an nga mo-gradwar ning tuiga.
Gibutyag ni Chato nga angayang dili mahimong babag ang obligasyong pinansyal sa mo-gradwar nga bata.
Nanganti usab ang DepEd nga masilotan ang kadtong mangulekta alang sa graduation contribution.
