CAGAYAN DE ORO CITY- Pagpang-ayo sa pipila ka guba nga mga bangko ug pagpamintal ang gika-bisihan sa ginikanan ug volunteer groups sa unang adlaw sa Brigada Eskuwela 2017 sa Northern Mindanao kagahapong adlawa.
Si DepEd regional director Dr Allan Farnazo miingon nga gikuyugan usab sila sa ilang usa sa mga taas nga opisyal nga gikan pa sa kauluhan sa pag-abli sa kalihukan.
Namahayag si Farnazo nga hapsay ug walay dagkong suliran nga nasinatian ang mga partisipante sa Brigada Eskuwela diin molungtad sa Mayo 20 ning tuiga.
Una nang mihangyo si Farnazo sa skilled workers nga nakabase sa rehiyon nga moduyog usab sa kalihukan aron mapadali ang pagtul-id sa mga angayan ayuhon.
