CAGAYAN DE ORO CITY-Gipakanselar sa Department of Education Region 10 ang pagpahigayon sa
christmas party sa tibook school division.
Kini ang gikumpirmar ni Schools Governance Operations Division chief Rosalio Vitorillo sa Bombo Radyo CdeO.
Si Vitorillo miingon nga maoy gisugyot ni DepEd regional director Dr Allan Farnazo ang pagpahigayon sa alternatibong pamaagi sa pagsaulog sa Christmas Party isip pagpahinungod sa mga biktima sa Marawi Siege.
Una nang miani sa nagkadaiyang reaksyon gikan sa mga ginikanan ug mga tinun-an ang hisgutanan sa pagpahigayon sa tinuig nga Christmas party sa mga tunghaan dinhi sa rehiyon.
