Gipalapdan sa Department of Education Cagayan de Oro ang ilang school safety programs isip kabahin sa National Schools Safety Month, aron matubag dili lang ang mga natural nga katalagman apan apil na usab ang mental health ug social issues sama sa teenage pregnancy.
Gibutyag ni DepEd CDO spokesperson Romeo Aclo, ang mga bag-ong hagit nagkinahanglan sa evolving societal response, busa milusad sila sa Population Development programs uban sa lokal nga gobyerno.
Kini gilakipan sa peer counseling ug teen centers.
Si Ryan Blanco, DRRM coordinator, nagpasabot nga ang kaluwasan sa eskwelahan naglakip sa kahibalo sa Basic Life Support ug emergency response
Gipasabot ni Alvic Marie Francisco, division’s focal person for Learner Rights and Protection, nga ang mga magtutudlo gilauman nga mahimong mga frontliners sa hisgutanan sosyal ug mental nga panginahanglan sa mga batan-on
Dugtong niini, gihisgotan usab ni Aclo ang epekto sa Typhoon Sendong ug COVID-19 sa edukasyon ug serbisyo, ug bisan pa sa kakulangon sa resources, padayon ang paningkamot nga madala ang serbisyo sa mga kabataan labi na sa lagyong lugar.
