Gimanduan na sa Department of Education Division of Cagayan de Oro ang mga school nurses nga monitoron ang mga estudyante kung aduna bay nakasinati’g gastroenteritis.
Kini alayon sa pagkumpirmar sa Cagayan de Oro City Health Office nga adunay kapin gatus na ang natakbuyan sa maong balatian dinhi sa syudad.
Gibutyag ni DepEd CDO Medical Officer Mark Miso nga adunay inisyal nga siyam ka mga bata ang namonitor nga naigo sa maong sakit.
Matud ni Dr. Miso nga ang maong mga estudyante ang nagtungha sa City Central School ug hinoon naulian na kini sa maong balatian.
Interview via: Zona Libre
Contributors: Zen Cahatol, James Oliver
