CAGAYAN DE ORO CITY-Manubag ang pipila ka magtutudlo nga masapon ug mamatud-an nga gipangayua’g bisan unsa nga butang ang ilang mga tinun-an aron mapirmahan ang school clearance.
Gibutyag ni DepEd regional director Dr Allan Farnazo nga angay usab dad-on sa mga magtutudlo sa open discussion sa mga ginikanan kon may mga subject project requirement ilabina kon mahal ang presyo niini.
Gihimo ni Farnazo ang pasidaan tungod sa reklamo nga nadawat sa Bombo Radyo nga may tinun-an nga dili pirmahan ang clearance kon dili makapalit sa sabon nga humot.
