Giplanohan sa Department of Education (DepEd) ang pagbag-o sa school calendar gikan sa quarter system ngadto sa trimester system.
Tumong niini nga mas mapadayun ang pagtudlo sa mga magtutudlo ug pagkat-on sa mga estudyante.
Sa bag-ong sistema, mas daghang oras ang magamit sa klase ug mas gamay ang Hiniusang eksamin nga atubangon sa mga estudyante.
Gilauman sa DepEd nga pinaagi sa trimester system, mas hapsay ang pagplano sa mga leksyon, ug maminusan ang stress sa pareho nga magtutudlo ug estudyante.
Kasamtangang proposal pa kini ug gihisgutan sa mga magtutudlo, school leaders, ug uban pang stakeholders sa dili pa kini mahimong opisyal.
Kung maaprubahan, posible nga magsugod ang bag-ong calendar sa School Year 2026–2027, aron mas organisado ug epektibo ang pagtuon sa tibuok nasud. (Jane Abulag)
