Gipresentar ni Education Secretary Juan Edgardo “Sonny” Angara ang usa sa mga Apple MacBook nga gipalit sa Department of Education alang sa mga magtutudlo sa pampublikong eskwelahan atol sa usa ka press briefing sa Malacañang, kaganina sa buntag.
Gibutyag ni Angara nga dako ang kalipay sa mga magtutudlo human masugdan ang pag-apod-apod sa mga laptop sa Dagupan City niadtong Nobyembre 9.
Kapin 160,000 ka macbook ang i-apud-apud sa ahensya alang sa mga magtutudlo aron wala nay rason sa mga encoding ug printing backlogs.
Una niini, gipamugos ni Angara nga nakuha sa gobyerno ang mga kagamitan sa maayong presyo pinaagi sa kompetitibong bidding process.
Gilauman sa DepEd nga makatabang ang mga MacBook sa pagpalambo sa digital skills sa mga magtutudlo ug sa pag-angkon nila og mga sertipikasyon nga giila sa internasyonal nga lebel.-
