Pasilutan sa Commission on Audit o COA subay sa nasupak sa balaod ang pipila ka opisyales sa Department of Education o DepEd.
Kini human inotil ang maong DepEd officials pagpasabot ug pag-liquidae sa ilang cash advances nga anaa sa 6.96 bilyones pesos nga dunay petsa Disyembre 31, 2023.
Sa maong salaod,wala una pasuwelduhi ang maong mga opisyales.
Subay COA 2023 annual audit report, wala sunda sa DepEd ang ensaktong gabayan ug regulasyon nga nag-resulta na hinoon sa pagkasagol sa CAs nga pakyas mapasabot giunsa paggasto.
Gihanyag sa COA nga apil sa mga kasupakan sa sa CAs ang kakulang sa pagtugot, pagbalhin sa mga pondo ngadto sa accountable officers,pakyas nga bonding sa AOs ug pagbayad sa mga bayrunon sama sa service recogniation incentives o SRI imbes nga direktang pagbayad.
Sa COA findings,kabahin sa mga rehiyon nga adunay pinakadako’g unliquidated balances ang Rehiyon VII (Central Visayas): 1.31 bilyon;Rehiyon VIII (Eastern Visayas): 1.01 bilyon;Rehiyon XII SOCCSKSARGEN): 819.4 milyon;Rehiyon IX (Zamboanga Peninsula): 537.1 milyon;Rehiyon VI (Western Visayas): 513.9 milyones ug National Capital Region: 301.9 milyones.
Nunot niini,gimando sa COA nga iundang na ang paghatag sa bag-ong cash advance sa mga opisyales nga nag-atubang sa balance;pagpatubag sa mga empleyado sa pakyas nga liquidation,dili una pagsuweldo sa tanang AOs nga wala pa makasulbad sa ilang obligasyon ug pagsilot subay sa mando sa gabayan sa Civil Service Commission ingon man pagtala sa mga dormant nga account nga wala masulbad sulod sa kapin sa usa ka dekada.
Hisayrang nadiskobre usab nga pipila sa mga nalambigit ang dugay nang mga retirado,mihawa,wala na nagpakita o nabalhin nga maoy nagpasamot sa pagsulbad sa maong obligasyon.
