CAGAYAN DE ORO CITY – Hisgutan ug aprobahan ning adlawa sa Department of Education o DepEd ang mga gabayan sa ipahigayon nga enrollment sa Hunyo uno hangtud Hunyo 30 ning tuiga.
Kini human miuyon ang Inter Agency Task Force nga magsugod na ang klase sa Agosto 24 ning tuiga hangtud Abril 30 2021.
Gibutyag ni DepEd Undersecretary Revsee Escobedo nga gusto nilang masiguro ang kaluwasan sa mga magtutudlo, ginikanan ug mga estudyante sa enrollment batok sa coronavirus.
Samtang dili uyon si City Mayor Oscar Moreno nga ma-oktaba ang pagbukas sa klase alang sa mga tinun-an sulod ning tuiga.
Kini bisan kon dako ang bahad sa coronavirus disease 19 diin kabahin ang kabataan nga labing dali nga matakdan niini.
Miingon ang mayor nga may mga paagi nga mahimo nga e-adaptar aron dili mahikawan sa pagtoon ang kabataan bisan sa hulga sa pandemya ning syudad.
