CAGAYAN DE ORO CITY – Angayang usbon na ang batakang balaod o konstitusyon kay daghan na ang depekto ug ayuhunon niini aron mohaom sa panginahanglan sa katawhan sa nasud.
Kini ang rason nga kabahin si Misamis Oriental 2nd District Cong. Bambi Emano sa 301 ka kongresista nga miuyon sa Resolution of Both Houses o RBH no. 6 diin lingkuran sa taga-Kamarabaha ug Senado ang pag-usab sa mga probisyon sa konstitusyon sa nasud.
Miingon si Emano nga dili na matago sa katawhan kon unsa ang pipila ka bikil sa batakang balaod ilabina ang ka-limitado sa mga probisyon kabahin sa pagpadagan sa ekonomiya sa nasud.
Pasado ang maong resolusyon sa kamarabaha ug gihulat na lang ang bersyon usab gikan sa mga senador.
Samtang dili uyon si Misamis Oriental 2nd District Cong. Bambi Emano sa baruganan ni senate committee on constitutional ammendments chairman Senador Robindhood Padilla nga i-agi sa constitutional assembly ang pag-usab sa batakang balaod.
Miingon ang kongresista nga mahikawan sa kasayuran ang katawhan kon dili representahan sa matag-sektor pinaagi sa constitutional convention ang charter change o Cha-Cha sa nasud.
Kini ang rason nga nagkauyon ang 301 ka kongresista,unom lang ang supak ug usa ang abstain o walay gipaboran kay aron klaro nga dili kaugalingong interes lamang sa Kongreso ang katuyuan sa charter change.
