Gihangyo sa depensa na undangon na ni House private prosecutor Atty. Lorna Kapunan nga matud pagsinamok niini sa ilang witness nga si Atty. Suzette Balucanag-Punay samtang nagpadayon ang impeachment trial ni Vice President Sara Duterte.
Atol sa tunga-tunga sa pagpangutana ni Kapunan, miapela si defense counsel Atty. Justin Nicol Gular ngadto kang presiding officer Francis “Chiz” Escudero nga badlongon ang private prosecutor tungod kay daw gapang-ipit na matud pa kini sa paagi sa iyang pagpangutana.
Midepensa usab si Kapunan nga nangutana lamang kini sa mga butang nga kinahanglan niyang mahibal-an ug kayang tubagon sa testigo.
Bisan pa niana, gipatin-aw ni Escudero nga walay abogado ang dunay katungod nga magsinamok ug mang-ipit sa usa ka testigo sa pagpangutana bisan pa nga nagdumili na kini sa pagtubag. (raniel mahunyag)
