Angayan lang nga mapresentar sa Defense Lawyers sa International Criminal Court (ICC) ang kontra-argumento aron ma-imbalidar ang tolo ka kasong “Crimes Againts Humanity” nga tinguha sa ICC Prosecutors nga makompirmar aron muligid ang pormal nga husay sa hukman. Gibutyag ni Atty James Judith, nga namuntos ug ayo ang defense counsel ug ilang na-establishar nga walay unod ang mga akusasyon sa mga abogado sa war on drugs ni kanhi Presidente Rodrigo Duterte. Alang sa abogado ang “submission of merit” sa kampo nila Atty Nicholas Kaufman, nahikay ug maayo, ug usa ang media sa iyang gitumbok nga mabasol sa mga clippings nga nakolekta sa prosekusyon nga nagpakusog sa ilang argumento nga si Duterte ang utok sa nahitabong mass killings sa Pilipinas. Miingon si Judith nga gipalanog ni Kaufman ang pagsensationalize sa media sa mga pagronda sa kapulisan hinungdan nga nakahatag kinig pangit nga epekto sa maayong tumong sa war on drugs ni Duterte.
Kaufman ang mihagit sa prosekusyon nga pamatud-an usa-usa kung si Duterte ba ang misugo nga sila ipapatay. Maoy gitumbok ni Kaufman ang 49 ka reklamante nga managsama ang baruganan nga si Duterte ang nagpapatay kanila. Alang kang Kaufman, aron maistablishar ang tinood nga alegasyon, kinahanglan ipresentar sa abogado ang espesipikong pahayag ni Duterte nga kining ispesipikong indibidwal gipapatay niya ug gisugo ang kapulisna nga maoy target. Kung dili mapresentar sa prosekusyon ang ilang mga gipangayo, angayan lang nga mabasura ang mga charges sa iyang kliyente ug ipapauli sa Pilipinas.
