CAGAYAN DE ORO CITY, Philippines – Bug-at nga mga ebidensya sama sa deposit slips, mga resibo, mga gadgets sa pagbalhin sa data, ug uban pa ang nahipos sa National Bureau of Investigation – Special Task Force gikan sa puy-anan sa pipila ka gitumbok nga ispiyang insek didto sa kauluhan.
Namahayag si NBI Ex-Officio – Special Task Force Leader Marlon Marcelo nga mas gipalig-on pa sa ilang ahensya ang pagkolekta sa mga ebidensya aron maduot kining mga langyaw insek sa kasong pagpangispiya sa gobyerno sa Pilipinas ug sa nasudnong depensa.
Gawas sa espionage, pasak-an usab ang mga dinakpang insek sa paglapas sa cyber crime law.
