CAGAYAN DE ORO CITY – Gitawag ni City Mayor Oscar Moreno nga ‘bulala’ ug gigutom na sa eleksyon si Deputy Speaker/Cagayan de Oro 2nd District Rep Rufus Rodriguez.
Kini ang mas mi-grabe nga atake sa mayor batok sa kongresista nga unang nakasaway sa gubot nga sistema sa pag-release sa ECQ special ayuda funds sa mga apektadong pamilya sa pandemya sa syudad.
Miingon si Moreno nga unta motabang na lamang si Rodriguez ug dili modugang sa kalisdanan nga gisagubang sa dakbayan.
Samtang gipangitaan ni Rodriguez si Moreno kon asa ang kaugalingong pondo aron unta magamit pagpakaon sa katawhang gutom tungod sa ECQ restrictions dakbayan.
Kini human akusahi sa kongresista ang mayor nga nagsalig lamang sa pondo sa nasyonal sa mga apektadong pamilya sa pandemya.
Miingon si Rodriguez nga dili angay masuko si Moreno kay tinood ang mga reklamo nga walay klaro ang pipila ka listahan nga gi-basehan sa pagpanghatag sa special fund gikan sa kauluhan.
