Malaumon gihapon ang Liberal Youth Northern Mindanao nga mausab pa ang hunahuna ni Naga City Mayor Leni Robredo ug modagan kini sa 2028 presidential elections bisan pa man sa pamahayag niini nga dili na magpapili.
Gipunting sa lider sa grupo nga si Andre Josol nga base sa kasaysayan sa politika sa nasud, daghang mga nag unang kandidato ang nagdumili sa pagdeklarar og sayo sama sa nahitabo kaniadto kang kanhi Presidente Rodrigo Duterte nga miingon nga dili modagan apan mipapili ra gihapon sa katapusan.
Gipasabot ni Josol nga layo pa ang tuig 2027 ug aduna pay igong panahon aron makapangandam ang tibuok han-ay sa oposisyon.
Dugtong niini, gipadayag sa youth wing sa Liberal Party nga padayon ang ilang pagduso kang Robredo isip nag unang pambato sa ilang grupo alang sa umaabot nga nasudnong piniliay.









