Gihimong gawasnon sa pamunoan sa Lumbia Public Transport Cooperative o LPTC ang ilang mga miyembrong drayber sa pagdesisyon kung mosalmot ba sila sa gitakdang transport strike karong adlawa tungod sa kalisud sa panahon ug pagtaas sa presyo sa petrolyo ug mga palaliton.
Apan giklaro ni LPTC President Bong Arceo nga ang maong kooperatiba mismo magpabilin nga mosunod sa lagda sa balaod ug dili opisyal nga moapil sa maong lihok-protesta.
Matud pa sa maong opisyal, giprotektahan lamang sa maong kooperatiba ang gihatag sa gobyerno nga prangkisa tungod kay usa ra kini ka prebilehiyo nga kinahanglang tahuron.
Hinuon, gipasalig usab sa maong lider nga padayon gihapon ang ilang paghatag og serbisyo sa pamasada aron mapanalipdan ang maayong relasyon sa publiko ug dili magsaag ang mga sumasakay.
