CAGAYAN DE ORO CITY-Nalipay si City Police Director Sr/Supt Nelson Aganon sa hukom sa Philippine Drug Enforcement Agency (PDEA) nga isapubliko ang pangalan sa narco-politicians.
Matud ni Aganon nga dako kini’g ikatabang aron mahibal-an sa mga botante kung kinsa ang mga magpapiling opisyal ang nalambigit sa droga.
Pinaagi usab niini mahibal-an kung unsa ang ugat sa problema sa ilang komunidad.
Gitawag usab ni Aganon nga welcome development sa ilang ahensya ang hukom sa PDEA nga isapubliko ang pangalan sa mga narco-politicians.
Sya miingon nga pinaagi niini, mapasayon ang ilang pag-monitor sa mga barangay officials nga adunay kalambigitan sa ilegal nga droga.
