Naglaum ang 64 ka petisyoner nga mopakanaug na sa desisyon ang Liga National kabahin sa ilang reklamo batok kang Gusa – Barangay Captain Marlo Tabac.
Gipanganti sa grupo ni Brgy. Baikingon Kapitan Giao Gumapac nga lig-on ang ilahang gipresentar nga ebidensya batok sa mga giingong kahiwian ni Tabac sa iyang barangay.
Matud ni Gumapac nga kung moguwa na ang resulta paborabli sa ilang petisyon, hayan mulusad sila’g election aron sila mopili’g ABC President ug Vice President sa Cagayan de Oro chapter.
Dumduman nga una nang namahayag ang Liga-National nga si Tabac ang ilang giila nga lehitimong presidente sa liga-Cagayan de Oro taliwala sa mga isyu gipakang batok kaniya.
