Wala maka-angay si Atty. Eddie Cuaresma, ang former IBP President sa CDO-Misamis Oriental Chapter, sa desisyon sa Korte Suprema sa pagbasura sa impeachment case sa bise presidente.
Gibutyag ni Atty. Cuaresma nga girespeto niya ang desisyon sa kinatasa-ang hukmanan, apan iyang gipamugos nga aduna pa’y mga butang nga hangtod karon wala pa mahatagi sa klarong tubag.
Alang kaniya, patas man unta ang gahom sa tulo ka sanga sa gobyerno, ang ehekutibo, lehislatibo, ug hudikatura ug tungod niini, nagpasabot kini nga patas ang ilang mga katungod ug desisyon.
Nabalaka si Cuaresma sa kapadulngan sa gihimong desisyon sa Korte Suprema tungod kay pwede kining abusuhan sa pipila.
Si Cuaresma namugos nga kung susamang basehan ang gamiton sa korte sa uban pang kaso, taas ang tsansa nga daghang dagkung kaso ang mabasura.
Una nang migula ang report nga kung padayon ang pagsumpaki sa Kamarabaha ug mga mahistrado sa Korte Suprema pwede mulanding ang ilang bangi sa constitutional crisis.
