Gibantayan karon ang posibleng maniobra sa pag-ihap sa boto sa mga senador samtang nag-atubang og dakong pagsulay ang impeachment trial batok kang Bise Presidente Sara Duterte.
Tunga sa maong legal nga away, gipasabot ni Atty. Samson So Tan sa Liceo de Cagayan University College of Law nga kritikal alang sa matag bahin ang pagtuon sa agi sa tulo ka retiradong maghuhukom sa Korte Suprema nga magsilbing amicus curiae o mga tambag-legal sa korte.
Gipahayag sa maong legal expert nga pinaagi sa pagtuon sa nangaging mga desisyon, masayran kon unsaon pagpasabot sa maong mga maghuhukom ang balaod sa nasud.
Dungan niini, gipahinumdoman sa abogado ang nag-atbang nga mga grupo nga magtigom na og importanteng impormasyon aron magiyahan sila sa ilang himoong aksyon sa tibuok proseso.
