CAGAYAN DE ORO CITY- Moduso’g motion for reconsideration o MR ang kampo ni detained Pagatpat Brgy Kap Aquilles Jude Babaran sa Ombudsman tungod sa paglangkat kaniya sa iyang posisyon.
Kini human nakit-an sa Ombudsman nga may basehan ang grave misconduct nga kaso nga gipasaka sa babaye nga biktima sa iyang pagpanglugos batok niini ning syudad tuig 2015.
Gibutyag sa abogado ni Babaran nga si Atty Dale Bryan Mordeno nga gihulat nila ang kopya sa dismissal order gikan sa Ombudsman aron makahimo na sila sa ilang lakang.
Modangop usab sila sa Court of Appeals o CA kon ugaling ibasura sa Ombudsman ang ilang iduso nga apelasyon.
Hisayran nga maoy nagpasaka’g kasong administratibo ug kriminal ang biktima nga si Neephe Loyola nga gipatay usab sulod sa motel ning syudad sa tuig 2016.
