Kasuhan sa kapolisan sa pagbaligya’g gidiling droga si detained Ozamiz City Vice Mayor Nova Princess Parojinog.
Kini human nakuhaan sa dul-ag 100 milyon nga balor sa gitoohang shabu ang iyang duha ka mag-agaw nga babaye ug kanhi personal body guard sa Ozamiz City.
Miingon si Ozamiz PNP commander C/Insp Jovie Espenido nga kabahin sa mga nasikop sila si Melden Rabanez;Roselyn Walohan ug Butch Merino atol sa magkalahi nga operasyon.
Unang nakuha kang Merino atol sa checkpoint ang balor 8 milyon pesos nga shabu samtang laing 27 milyon pesos usab nga kantidad gikan kanila ni Rabanez ug Walohan.
Nabawi usab gikan sa mga suspek ang pipila ka motorsiklo, armas ug mga ID atol sa maong operasyon.
