CAGAYAN DE ORO CITY – Itugyan sa PNP Camp Crame ngadto sa local court si kanhi City Councilor Ricardo ‘Ardot’ Parojinog sa Ozamiz City.
Miingon si Ozamiz City Police Office commander Police Major Jovie Espenido nga tuyo niini nga mismo ang local court ang modungog sa kaso ni Parojinog nga naglakip sa murder, illegal possession of firearms ug illegal possession of explosives.
Giangkon ni Espenido nga mibati na siya’g kahinam ikakita si Ardot aron masulti niini ang kamatuoran ug pagtagu-tago niya sa Taiwan sa miaging tuig.
Si Ardot ang igsoon ni late Ozamiz City Mayor Reynaldo ‘Aldong’ Parojinog Sr nga kabahin sa 15 ka tawo nga napatay sa police operation ni Espenido niadtong Hulyo 2017.
Gitumbok usab ang maong pamilya nga nagbaton sa private armies nga gigamit sa nagkadaiyang kremin sama sa pagbaligya’g shabu,pagpanulis ug daghan pang uban.
