CAGAYAN DE ORO CITY – Angayang mag-neutral ni Pres Bongbong Marcos sa giatubang nga impeachment case ni Vice Pres Sara Duterte.
Kini may kalabutan sa nagkaduol na nga pagsugod sa pagdungog sa giatubang nga articles of impeachment ni VP Sara sa senado.
Miingon si Atty. Antonio Soriano,convenor sa Citizens Watch for Good Governance 10 nga angayang dili kalimtan ni Marcos ang nahimo sa mga Duterte ngadto sa ilang pamilya diin napalubong ni kanhi Pres Rodrigo Duterte sa Libingan ng mga Bayani si late Pres.Ferdinand Marcos Sr.
Angayang dumdumon sa Marcoses nga dili tiaw nga mga pagbatikos ang nadawatan ni Duterte sa hukom nga pagpalubong sa namatay’ng presidente apan wala kini niya tagda aron lang mahatagan sa katumanan ang saad niini atubangan sa katawhan.
Dili pa igo,kinahanglan usab i-konsiderar ni Pres Bongbong ang nahimong pag-endorso ni VP Sara kang Sen Imee Marcos aron makasulod sa magic 12 sa midterm elections.
Kini tungod kay kung wala mobulag sa line up sa administrasyon, maglisod kini’g sulod sa winning spot sa pagka-senador.
Mitambag si Soriano nga mas maayong buhaton ni Marcos nga ipalig-on ang imahen ni Imee kay kini ang mopadayon sa puwede pa nila nga mahimo igo paghuman niya sa iyang termino sa tuig 2028.
