CAGAYAN DE ORO CITY – Gikonsidera sa Philippine Army nga potential threats sa 2025 midterm elections ang grupong Dawlah Islamiya nga ulahing gika-engkuwentro sa kapolisan kuyog ang miltarya sa Brgy Bangco,Sultan Naga Dimaporo,Lanao del Norte.
Kini tungod kay posibleng adunay mogamit nga mga kandidato kanila aron manghasi ngadto sa ilang mga kaatbang sa piliay sunod tuig.
Miingon si Philippine Army spokesperson Col Louie Dema-ala nga gawas sa DI members, pabiling nag-una sa ilang listahan ang CPP-NPA nga sagad mangayo’g permit to campaign ug permit to win gikan sa mga kandidato nga mohimo’g pagpangampanya sa lagyong mga lugar.
Kini ang rason nga kanunay ang ilang koordinasyon sa Philippine National Police aron dili makahimo’g kagubot ang maong mga grupo sa kampanya,botasyon,pag-ihap sa boto ug proklomasyon sa mga kandidato nga mangdaug sa eleksyon.
