CAGAYAN DE ORO CITY – Nadakpan sa hiniusang puwersa sa AFP ug PNP ang siyam ka aktibong miembro sa Dawlah Islamiyah -Maute Group dihang natigayon ang pagdakop unta sa duha ka targeted suspected criminals sa Brgy Paigoay,Tubaran,Lanao del Sur.
Gibutyag ni 103rd IB,Philippine Army commander Brig Gen Jose Maria Cuerpo nga target nila dakpon pinasikad sa warrant of arrest si Faranhufon Hadji Satar alyas Omar ug Muna Kali alyas Abu Dimam tungod sa kasong murder ug attempted murder.
Apan gilayon gipaulan ang sa mga bala gikan sa mga suspek ang govt forces hinungdan naka-eskapo ang targets apan nabilin ang ilang mga kaubanan.
Kabahin sa mga nadakpan ang mga suspek nga sila si Camaroden Tindug, Sabdullah Sarip, Oter Macaungun, Asnare Alisood, Alisood Dima, Sowaib Abdullah, Saaduden Adapun, Zaenal Abdulatip ug Aleem Salih Pitiilan.
Nakompiskar gikan sa mga dinakpana ng mga armas,bala,communication devices,bomba ug salaping cash.
