CAGAYAN DE ORO CITY – Tinguha sa Philippine Army nga mapulbos sa hingpit ang nabiling armadong sakop sa Dawlah Islamiyah – Maute Group nga utok sa mga teroristang pag-atake sa dili pa ang 2025 midterm elections sa Lanao del Sur.
Kini ang mando ni Philippine Army commanding general Lt Gen Roy Galido sa 103rd IB nga nakabase sa Marawi City aron dili na makasabwag kagubot ang maong grupo sa eleksyon sa Mayo 12.
Gibutyag sa Bombo Radyo ni Philippine Army spokesperson Col. Louie Dema-ala nga gamay’ng panahon na lang ang gikinahanglan aron hingpit nang mawagtang ang mga sumusunod sa Maute-ISIS terror group nga napulbos na sa government forces atol sa Marawi City urban warfare niadtong tuig 2017.
Hisayrang ulahing nagukod sa 103rd IB ang DI-MG nga gipanguluhan sa usa ka alyas Usman sa lungsod sa Piagapo diin pulos napatyan ang duha ka panig sa katapusang semana sa Enero 2025.
