CAGAYAN DE ORO CITY – Napun-an ang gisagubang nga mga suliran sa 41 anyos nga amahan nga residente sa Purok 7,Dagumbaan,Maramag,Bukidnon.
Kini human nadakpan pinaagi sa anti-drug buy bust operation ang suspek nga si alyas Felmar kinsa nagsilbing dialysis patient sa maong lugar.
Subay sa gilabay nga impormasyon sa Maramag Police Station sa Police Regional Office 10 nga napalitan sa gitoohang shabu ang suspek hinungdan nadakpan.
Miingon si PRO 10 spokesperson Major Joann Navarro nga nakuha kaniya ang 45 gramos sa gitoohang shabu nga dunay kantidad nga 306-mil pesos ingon man ang libo ka pesos nga buy bust money nga gigamit sa operasyon.
Saysay pa sa suspek nga misulod siya pagbaligya’g droga kay aron dunay magamit sa iyang pagpa-dayalisis.
