CAGAYAN DE ORO CITY – Giangkon ni Dexter Dormitorio nga anaa na sa ilang pamilya ang giingong diary ni PMA cadet 4th class Darwin Dormitorio.
Apan nagdumili una si Dexter sa pagbutyag sa kahanginan kon unsa ang gipangsulat sa iyang manghod sa maong diary.
Siya miingon nga ila unang i-konsulta sa kapulisan kon mahimo ba kini nga gamiton nga ebidensiya sa nasinatian nga pagpangulata ni Darwin sulod sa military school.
Una nang gibutyag ni Dexter nga kompleto ang ilang gihuptan nga medical certificate nga nagpamatood nga nakasinati sa pagpangulata si Darwin sulod sa usa ka bulan gikan pa niadtong Agosto.
