CAGAYAN DE ORO CITY, Philippines – Nakigtagbo si Olympic gold medalist Hidilyn Diaz kang Education Secretary Sonny Angara aron masiguro ang tin-aw nga programa alang sa weightlifting training program para sa mga coaches.
Namahayag si Diaz nga andam ang ilang grupo nga muserbisyo sa Department of Education aron mapaniguro nga dunay hanas nga mga magtutungha alang sa matag tuig nga Palarong Pambansa.
Gibutyag ni Diaz nga technical official ug paglusad sa weighlifting competition ang ipahigayon sa iyang Hidilyn Diaz Weightlifting Academy.
Init nga gidawat ni Angara ang kampo ni Diaz apan wala pa mibuhi’g pamahayag sa prensa sa gitanyag niining tabang sa DepEd.
Kahinumduman nga niadtong Hunyo gisubhan ang iyang Weightlifting Academy sa Jala-Jala, Rizal.
