LANAO DEL SUR – Gipakusog pa sa Lanao del Sur Provincial Government ang ilang kapasidad sa pagpalambo sa ilang ‘digital economy’.
Kini human malampuson nga gilusad ang 2nd Ranao ICT Summit Drives Digital Transformation nga nagtumong sa pag-edukar sa stakeholders sa Digital Transformation sa ilang probinsya.
Gipanguluhan ni Mahid Macadatu, hepe sa Information, Communication and Technology Office ang summit ug suportado kini ni Vice Governor Mohammad Khalid “Mujam” Raki-in, kinsa maoy mirepresentar sa ilang nagliban nga gobernador.
Ang summit gitambungan sa mga opisyal sa gobyerno, industry leaders, mag magtutungha ug technology enthusiasts nga pulos nagtinguha nga makab-ot sa ilang komonidad ang ICT advancement.
Namahayag si Vice Gov Raki-in nga importante ang ICT advancement samtang paspas ang dagan sa kabag-uhan sa kalibutan.
Siya miingon nga ang ICT makahatag sa dugang kaalam ug makapalig-on sa kapasidad sa ilang paggamit sa bag-ong teknolohiya. (Bombo Anne Quileste).
