Nanawagan sa paghiusa ug paggamit sa modernong teknolohiya ang pamunoan sa Vice Mayors’ League of the Philippines alang sa mas maayong panggobyerno sa tibuok nasud
Mao kini ang nahimong mensahe ni Cagayan de Oro City Vice Mayor ug VMLP National Vice President for Mindanao Jocelyn “Bebot” Rodriguez atol sa pag-abli sa 30th VMLP National Convention sa syudad ubos sa temang “One Legislature, One Digital Future.”
Gipasabot ni Rodriguez nga pinaagi sa e-Legis reference system, mas dali na alang sa mga bise alkalde sa gagmayng lungsod ang pagtan-aw ug pagsubay sa mga maayong ordinansa gikan sa mga ugmad nga dakbayan sa usa ra ka pagpindot.
Busa gipamugos sa opisyal nga kinahanglang pahapsayon ang paghatag og serbisyo publiko ug palig-onon ang panalipod sa sistema batok sa cyber threats aron mas mapadool ang gobyerno sa katawhan.
