Nag-atubang karon og dakong hagit si Senator Bato dela Rosa kalabot sa iyang partisipasyon sa impeachment trial ni Vice President Sara Duterte.
Sumala pa ni Atty. Eddie Cuaresma, nahimutang ang senador sa usa ka lisod nga sitwasyon nga samag naa sa taliwala sa demonyo ug sa lawom nga dagat.
Gipasabot sa abogado nga kon motunga ang senador sa pagdungog, dako ang posibilidad nga dakpon siya tungod kay wala man gi-grant sa Korte Suprema ang iyang gipangayo nga temporary restraining order.
Sa pikas bahin, kon dili naman usab siya motunga ug mopili na lang sa pag-apil pinaagi sa video conferencing, dili gihapon kini mahimo tungod kay wala kini sa kasamtangang mga lagda sa Senado.
Puno sa katin-awan nga gitapos ni Atty. Cuaresma ang iyang pahayag nga kinahanglan pa gayong debatehon og maayo sa Senado kon duna ba silay angay nga usbon sa ilang mga lagda aron mahatagan og solusyon kining maong isyu.
