CAGAYAN DE ORO CITY – Gisaway sa pamilyang Dumanjog ang daw pagpabor sa kadagkuan sa DILG 10 ngadto sa liderato sa provincial govt ubos ni Misamis Occidental Gov. Henry Oaminal.
Kini human giakusar sa anak nga si Tambulig,Zamboanga del Sur Mayor Charlotte Dumanjog-Panal ang pagsilbing itoy ni DILG 10 regional director Wilhelm Suyko rason nga naibot sa katungdanan si Bonifacio Mayor Samson Dumanjog sugod sa miaging semana.
Miingon si Mayor Panal nga gi-reverse na sa Malakanyang ang suspension order nga gilugwa sa SP-MisOcc ug gipadumduman nga dili mag-abusar sa gahom apan walay aksyon ang DILG dinhi sa rehiyon.
Dugtong niini,gidalikyatan sa Bombo Radyo sa iyang opisina si Suyko apan nangita’g scheduled appointment ilang mga staff rason nga wala makuha-i sa panig sa isyu.
Hisayrang nagsumikad usab ang suspension order sa SP-MisOcc kay gisulti ni Oaminal nga dunay pipila ka residente nga nanumbong tungod sa giingong pipila ka kahiwian sa pagdumala ni Dumanjog nga kusganon usab nila nga gipanghimakak.
