CAGAYAN DE ORO CITY-Pagkabilanggo ang dangatan sa pipila ka tawo nga mohimo’g pagpangilad pinaagi sa pagpangulekta’g salapi gikan sa mga residente gamit ang isyu sa revolutionary govt nga giingong ipatuman sa nasud.
Gihimo ni DILG regional director Arnel Agabe ang pahimangno tungod sa giingong mga grupo nga padayong naglibot suroy aron mangilad sa pipila ka tawo nga maka-posisyon sa gobierno kon ubos na sa revolutionary govt ang Pilipinas.
Miingon si Agabe nga walay bisan usa nga gitugutan niini hinungdan nga angay dili magpailad sa mga tawong impostor aron lamang maka-kuwarta gamit ang maong modus operandi.
Gani,gibaharan usab ni Agabe kadtong mga grupo nga walay pananghid nga mogamit sa ilang official logo sa opisina.
