Paningkamutan sa Department of the Interior and Local Government (DILG) nga dili masayang ang kapin 660,000 ka boto sa mga taga Davao City, kinsa mipili kang kanhi Presidente Rodrigo Duterte isip ilang bag-ong Mayor.
Namahayag si DILG Secretary JonVic Remulla nga may laraw ang ilang ahensya nga ipalihuk ang Consul General sa Pilipinas sa The Hague, aron makapanumpa sulod sa selda sa International Criminal Court (ICC), si Duterte sa dili pa ang Hunyo 30 nga deadline sa Commission on Elections.
Gihimo ni Remulla ang tinguha kay giila sa DILG ang iyang kadaugan sa milabay nga piliay.
Si Remulla miingon nga usa sa opsyon ang “remote working condition” aron pwede buhaton ni Duterte ang iyang trabaho sulod sa prisohan, samtang mulingkod ang iyang anak nga si Baste Duterte isip iyang Bise mayor.
Ang ICC wala pa motubag sa hangyo sa DILG nga tugutan ang konsulada sa Pilipinas nga mu-inisyar sa oath-taking ni Duterte.
