CAGAYAN DE ORO CITY – Gihangyo ni DILG City Director Edward Bhagwani ang mga ginikanan nga dili magpasagad paggiya ug pagbantay sa ilang mga anak panahon sa pagsaulog sa pasko ug pagsugat sa bag-ong tuig.
Kini tungod sa pagsugod na’g pamaligya sa firecracker vendors sa mga pabuto nga adunay pagtugot sa balaod sa Rotunda Circle sa Brgy Macasanding ning syudad.
Miingon si Bhagwani nga dili obligasyon sa gobierno apan mismo sa mga ginikanan nga masiguro nga luwas batok sa peligro ang ilang mga anak panahon sa yuletide season.
Hisayrang gikan sa petsa 20 hangtod 31 sa Disyembre ang pagbaligya sa mga vendor sa regulated firecrackers ning syudad.
