CAGAYAN DE ORO CITY-Gihangyo ni DILG asst director for operations Edward Bhagwani ang mga liga sa kabarangayan nga mopasar sa resolusyon diin mag-obligar sa tanang kapitanes nga motambong sa tanan nila nga kalihukan.
Gihimo ni Bhagwani ang pahayag nunot sa wala pagtambong sa dul-ag 10 ka presidente sa Association of Brgy Councils o ABC sa Misamis Oriental dihang gihimo ang piliay alang ning tuiga.
Miingon si Bhagwani nga angay dili palabyon sa mga brgy kapitanes ang kalihukan nga ikaayo sa ilang katawhan.
Si incumbent Sangguniang Panlalawigan member Leonard Winstanley ang napili kay walay kontra samtang si ABC president Kag Alam Lim usab ang midaug ning syudad sa magkalahi nga piliay dinhi sa syudad ning semanaha.
