CAGAYAN DE ORO CITY-Nag-atubang karon sa kasong administratibo si DILG regional director Arnel Agabe ug laing pipila nila ka opisyal sa Office of the Ombudsman diha sa Brgy Kauswagan sa syudad.
Kini human gi-kuwestiyon ni kanhi Taglimao Brgy Kapitan William Guillani si Agabe kon nganong napakyas pagsilbi sa sunod-sunod nga dismissal orders batok kang City Mayor Oscar Moreno.
Una niini,gi-dismiss sa Ombudsman si Moreno ug laing 7 ka department heads tungod sa pagsulod sa transaction nga wala moagi sa public bidding kaniadto sa Misamis Oriental.
Una nang gitawagan sa makapilang higayon sa Bombo Radyo si Agabe aron makatubag sa maong isyu,apan wala nila hatagi’g bili hinungdan nga napihig sa kasayuran ang katawhang magbubuhis dinhi sa rehiyon.
Hisayrang napugngan ni Moreno ang unom ka hugna sa dismissal orders gikan sa Ombudsman kay nakakuha usab kini sa temporary restraining order gikan sa Court of Appeals o CA.
