CAGAGAN DE ORO CITY – Gipadumuman ni Department of Interior and Local Government o DILG City Director Edward Bhagwani ang brgy officials nga patas sa tanang panahon pagsugot sa local campaigning sa mga kandidatong local sa syudad.
Kini aron dili mag-atubang sa reklamong administratibo kon adunay mga reklamo nga may gipaboran nga bando sa mga kandidato paggamit sa mga pasilidad sa brgy.
Siya miingon nga angayang patas ang pagtagad ug pag-atiman sa brgy officials sa bisan kinsa nga kandidato kay kagamitan sa katawhan ang gipagamit niini.
Kini ilabina sa panahon nga adunay pagpangampanya sulod sa kabarangayan.
Hisayrang mayoriya sa kapitanes sa syudad ang uban sa bando ug mga programa sa kasamtangang administrasyon sa city government.
