CAGAYAN DE ORO CITY – Gitambagan ni DILG Undersecretary for Brgy Affairs Martin Diño ang ubang narco-politicians nga hingpit nang mohunong sa kalambigitan sa ilegal nga droga sa nasud.
Kini kon mogawas sa imbestigasyon nga gipatay si Clarin,Misamis Occidental Mayor David Navarro nga gi-ambush patay siya tungod sa pagsilbing suspected narco-politician niini sa ilang lugar.
Miingon si Diño nga daan nang nagbahad si Pres Rodrigo Duterte nga seryoso ang kampanya sa gobierno kontra ilegal nga droga sa nasud.
Gitahasan na usab ni DILG Sec Eduardo Año ang PNP nga ang subsob nga imbestigasyon sa kamatayon ni Navarro sa Cebu City kagahapon sa hapon.
Samtang gikakurat ni Sen. Christopher “Bong” Go ang pagkapatay kang Navarro sa Cebu City.
Si Navarro ang gi-ambush -patay sa wala mailang mga suspek nga nakasakay sa van samtang padulong sa piskalya alang sa inquest proceedings kagahapong adlawa.
Nagdumili si Go nga mohatag komento ug nagbutyag nga mas maayo nga hulaton ang resulta sa imbestigasyon sa mga otoridad.
Apan gikompirmar sa senador nga midool kaniadto si Navarro kang DILG Sec Eduardo Año aron limpyohan ang iyang pangalan human malakip sa narco-list ni Duterte.
Hisayran nga gidakop ug kasuhan unta’g kriminal si Navarro human niya gipa-mustarbate ang babaye ng masahista ug gikulata ang laing kaubang lalaki niini sa maong lugar sa miaging adlaw.
