CAGAYAN DE ORO CITY-Mag-atubang sa kaso kadtong mga kandidato sa piliay nga mapamatud-an nga mohatag sa pagpangilkil nga himoon sa rebeldeng New People’s Army o NPA.
Kini alayon sa himoon nga pagpangampanya ilabina sa local candidates sa mga bukiran diin lig-on ang presensiya sa mga rebelde dinhi sa rehiyon.
Namahayag si DILG asst regional director Edward Bhagwani nga unta barugan sa local govt officials ang gipanumpaan nila nga i-depensa ang seguridad sa nasud batok sa mga pundok nga nagtinguha sa paglumpag niini sama sa gihimo sa mga rebelde.
Segun sa gibulgar sa militar,anaa sa 50-mil pesos pataas ang gipangayo sa mga rebelde sa mga kandidato aron makapangampanya sa kabukiran.
Samtang gi-awhag ni Police Regional Office -10 spokesperson Police Supt Surki Serenias ang mga pulitiko nga mangampaniya sa kabukiran rehiyon nga makigkoordinar sa mga pulis ug militar.
Sumalani Serenias nga kinahanglang magma-igmat ug magbinantayon ang mga pulitiko sa No Campaign ug No Win permits sa mga rebeldeng New People’s Army.
Siya miingon nga gilayong e-report sa mga otoridad kun ugaling did-an sila nga mangampaniya sa usa ka brgy nga walay mga escort ug bodyguards.
Giawhag usab niini ang mga residente nga magsumbong sa mga otoridad kun ugaling aduna sila’y mamatikdan nga mga kadudaha’g lihok.
