CAGAYAN DE ORO CITY – Gidepensa ni DILG regional director Arnel Agabe ang paggamit sa prototype shield ayha makapadagan ang magtiayon sakay sa ilang motorsiklo padulong sa trabahuan ug vice versa.
Kini human gisaway kay giingong wala moagi sa igo nga pagtoon.
Miingon si Agabe nga nag-una nga tuyo niini nga proteksyonan ang nakasakay sa motorsiklo batok sa takod sa bayrus.
Samtang dakpon sa Police Regional Office- 10 ang mga motorista nga mopasakay sa dili nila asawa bisan gitugtan na ang backriding sa rehiyon.
Giklaro ni PRO-10 spokesperson Lt Col Mardi Hortillosa nga lehitimong magtiayon ug magtrato nga nag-ipon na’g puyo ang tugtan nila nga makalusot-lusot sa biyahe ug wala na’y lain pa.
Gipasabot ni Hortillosa nga samtang wala pa’y mando nga mahimo nang mag-backride ang bisan kinsa,kini ilang pangdakpon sa oras nga masapon diha sa kadalanan.
