CAGAYAN DE ORO CITY-Gipadala sa DILG pinaagi sa PNP ang dugang puwersa sa kapolisan ug special action force o SAF aron moabag sa militar sa clearing operation sa Marawi City,Lanao del Sur.
Kini sa tuyo nga mapadali ang pagpuhag sa mga teroristang ISIS-Maute nga nabilin ug nagtago sa pipila ka high rise buildings aron masugdan na ang rehabilitation efforts sa gobierno sa maong syudad.
Gibutyag ni officer-in-charge DILG Undersecretary Catalino Cuy nga gilayong mohimo sa ilang trabaho ang nagkadaiyang govt agencies pagpabangon sa Marawi City sa panahon nga mapabalik na sa normal ang sitwasyon gikan sa pagpanabotahe sa mga teroristang pundok.
Samtang pabor si officer-in-charge DILG Undersecretary Catalino Cuy nga ipatuman na ang national id system sa tanang katawhan dinhi sa nasud.
Kini sa tuyo nga dali matumbok kadtong mga tawo nga kaaway sa gobierno sama pananglitan sa mga bandido ug mga terorista.
Gibutyag ni Cuy nga natuki kini atol sa pagpatawag ni Pres Rodrigo Duterte sa katiguman kuyog ang cabinet officials tungod sa kagubot sa Marawi City.
Gani,gitahasan usab ni Pres Duterte si Cuy nga personal subayon ang actual nga kahimtang sa Marawi City aron mahan-ay ang angay buhaton kuyog ang ubang ahensiya alayon sa rehabilitation efforts sa gobierno.
