CAGAYAN DE ORO CITY, Philippines – Miprangka si Presidente Ferdinand Marcos Jr kung nganong wala niya gitahasan si Vice President Sara Duterte isip caretaker sa nasud, samtang siya mibiyahe sa Laos, gikan Oktobre 8 hangtud 11.
Sa media interview, iyang gi-angkon nga dili na administration ally si Duterte ug normal lamang nga ipasa niya kini sa iyang tolo ka mga kalihim sa Gabinete.
Una niini, sila Cabinet Executive Secretary Lucas Bersamin, Bag-ong DILG Secretary Jonvic Remulla ug Agrarian Reform Secretary Conrado Estrella ang gituboy nga caretakers sa Pilipinas sa pagbiya ni Marcos sa Pilipinas aron tambungan ang 44th ug 45th ASEAN Summits and Related Summits sa Laos.
